 |
| സ്റ്റുഡന്റ് വിസ |
അങ്ങനെ അടുത്ത ഘട്ടത്തിലേക്ക്.
അതായത് സ്റ്റുഡന്റ് വിസ ലഭിക്കാനുള്ള പ്രോസസ്
അതിന്റെ ആദ്യ പടിയായി മെഡിക്കൽ ക്ലീയറൻസ് ലഭിക്കേണ്ടതുണ്ട്.
പണ്ടൊക്കെ പുറത്തുപോകുന്ന സമയത്ത് ടിബി ടെസ്റ്റ് നടത്തണമായിരുന്നു. അന്ന് ഏതെങ്കിലും ഒരു ഡോക്ടറുടെ അടുത്തുനിന്ന് എക്സ്-റേ എടുത്ത്, പോകുന്ന ആൾക്ക് ടിബി ഇല്ലെന്ന് സർട്ടിഫൈ ചെയ്താൽ മതിയായിരുന്നു. എന്നാൽ ഇപ്പോൾ അങ്ങനെയല്ല, യുകെ ഗവൺമെന്റ് അംഗീകരിക്കുന്ന മെഡിക്കൽ സ്ഥാപനങ്ങളിൽ നിന്ന് തന്നെ ടിബി ഇല്ലെന്ന് തെളിയിക്കുന്ന സർട്ടിഫിക്കറ്റ് എടുക്കേണ്ടതുണ്ട്. കിംസ്, അമൃത ഒക്കെ അവരുടെ ലിസ്റ്റിലുള്ള സ്ഥാപനങ്ങളിൽ ചിലതാണ്.
വിസ പ്രോസസിന് വേണ്ട എല്ലാ രേഖകളും ശേഖരിച്ച് സമാഹരിച്ച് സോഫ്റ്റ് കോപ്പിയും ഹാർഡ് കോപ്പിയും ഉണ്ടാക്കിവെക്കുക എന്നതാണ് പ്രധാനമാണ്.
പ്രധാനമായും യൂണിവേഴ്സിറ്റി ആവശ്യപ്പെട്ടിട്ടുണ്ടെങ്കിൽ ഇംഗ്ലീഷ് ഭാഷാ പ്രാവീണ്യം തെളിയിക്കുന്ന സർട്ടിഫിക്കറ്റ്, സ്കോളർഷിപ്പ് ഇല്ലാത്ത ഒരാളാണെങ്കിൽ പഠനകാലത്ത് നിങ്ങൾക്ക് അവിടെ താമസിക്കാനും ജീവിക്കാനും വേണ്ടി വരുന്ന പൈസ നിങ്ങളുടെ അക്കൗണ്ടിൽ ഉണ്ടെന്ന് തെളിയിക്കുന്ന ഫിനാൻഷ്യൽ ഡോക്യുമെന്റുകൾ അഥവാ ബാങ്ക് അക്കൗണ്ട് സ്റ്റേറ്റ്മെന്റുകളാണ് പൊതുവേ അത് അതിനുവേണ്ടി വരിക.
കൂടാതെ ആറുമാസത്തെ യൂണിവേഴ്സിറ്റി ട്യൂഷൻ ഫീസ് മുൻകൂർ അടച്ചിട്ടുണ്ടായിരിക്കണം, കൂടാതെ അടുത്ത ആറുമാസത്തേക്കുള്ള ട്യൂഷൻ ഫീസ് ബാങ്കിൽ ഇട്ടതിന്റെ സ്റ്റേറ്റ്മെന്റ് കൂടെ കാണിക്കേണ്ടിവരും.
പിന്നീട് വേണ്ടത്
നിങ്ങൾക്ക് താമസിക്കാൻ ഏർപ്പാടാക്കിയ അക്കോമഡേഷന്റെ തെളിവ്,
നിങ്ങളുടെ പാസ്പോർട്ട്, അക്കാദമിക് ട്രാൻസ്ക്രിപ്റ്റുകൾ, യുകെ വിസ അപ്ലിക്കേഷൻ സ്പെസിഫിക്കേഷൻ ഇൽ എടുത്ത ഫോട്ടോഗ്രാഫുകൾ, യൂണിവേഴ്സിറ്റി തന്ന അൺ കണ്ടീഷണൽ ഓഫർ ലെറ്റർ, എന്നിവയാണ്.
സ്കോളർഷിപ്പ് സ്റ്റുഡന്റ് ആണെങ്കിൽ സ്കോളർഷിപ്പ് അവാർഡ് ചെയ്തിരിക്കുന്നതിന്റെ സർട്ടിഫിക്കറ്റ് വെച്ചാൽ മറ്റു ബാങ്ക് ഫിനാൻഷ്യൽ സ്റ്റേറ്റ്മെന്റുകളുടെയോ ബാങ്ക് അക്കൗണ്ട് സ്റ്റേറ്റ്മെന്റുകളുടെയോ ആവശ്യമില്ല
ഇനി ഓൺലൈൻ ആയി യുകെ ഗവൺമെന്റിന്റെ വെബ്സൈറ്റിൽ കയറി വിസ അപ്ലിക്കേഷൻ ടാബിൽ കയറി ഒരു യൂസർ നെയിമും പാസ്സ്വേർഡും സൃഷ്ടിച്ച പുതിയ ഒരു അക്കൗണ്ട് ഉണ്ടാക്കുക.
ശേഷം അവരുടെ ചോദ്യങ്ങൾക്കെല്ലാം കൃത്യമായി ഉത്തരം രേഖപ്പെടുത്തിയതിന് ശേഷം ഫോം സബ്മിറ്റ് ചെയ്ത് അപേക്ഷ ഫീസ് അടക്കുക.
പിന്നീട് നേരിട്ട് പോയി ബയോമേട്രിക്സ് രേഖപെടുത്താനുള്ള അപ്പോയ്ന്റ്മെന്റ് എടുക്കുക.
ശേഷം അവർ തന്ന സമയത്ത് കൃത്യമായി വിസ സെന്ററിൽ എത്തി
നിങ്ങളുടെ ബയോമെട്രിക് വിവരങ്ങൾ (വിരലടയാളങ്ങളും ഫോട്ടോയും) നൽകുക.
നമ്മൾ നേരിട്ട് ഹാജരാകുമ്പോൾ , നമ്മൾ ഓൺലൈൻ ആയി സബ്മിറ്റ് ചെയ്ത അപ്ലിക്കേഷൻ ഫോമും അതോടൊപ്പം സബ്മിറ്റ് ചെയ്ത എല്ലാ രേഖകളുടെ ഒരോ കോപ്പിയും ഒറിജിനലും അവിടെ നേരിട്ട് സബ്മിറ്റ് ചെയ്യേണ്ടതുണ്ട്.
അതിനു ശേഷം നിങ്ങൾക്ക് വിസ സെന്റരിൽ ഓപ്ഷൻ കൊടുക്കാം പാസ്പോർട്ട് നിങ്ങൾക്ക് നേരിട്ട് വേണോ അതോ സ്പീഡ് പോസ്റ്റിൽ വേണോ എന്ന്.
ചില ആൾക്കാർക്ക് എല്ലാം സ്വയം ചെയ്തു കഴിഞ്ഞാലും വിസ അപ്ലിക്കേഷൻ മൂവ് ചെയ്യാൻ സമയത്ത് മാത്രം നമ്മൾ ഏജൻസികളെ സമീപിക്കാറുണ്ട്. അത് തന്നേ ചെയ്യാനുള്ള ആത്മവിശ്വാസം ഇല്ലാത്തവരോട് ഏജൻസിയെ ഏൽപിച്ചോളാൻ പറയാറുണ്ട്.അതിന് നമുക്ക് പൈസ ചിലവില്ല എന്നു മാത്രമല്ല നമ്മൾ കൊടുക്കുന്ന ഏജൻസിക്ക് എന്തോ ചെറിയ കമ്മീഷൻ നമ്മൾ കാരണം ലഭിക്കുകയും ചെയ്യും. അത് കൊണ്ട് ഈ വിസ പ്രോസസ് മാത്രം ഒരു ഏജൻസിയെ ഏൽപ്പിക്കുന്നതിൽ തെറ്റില്ല.
ഇനി അവർ വിസ തരുന്നതിനു മുൻപ് പോലീസ് വെരിഫിക്കേഷൻ നടത്തി, നമുക്ക് വിസ സ്റ്റാമ്പ് ചെയ്ത പാസ്പോർട്ട് നിങ്ങൾ പറഞ്ഞതനുസരിച്ച് ലഭിക്കും..
ഇതെല്ലാം ഒറ്റക്ക് ചെയ്താണ് ഞാൻ പോയത്. അന്ന് എന്റെ പരിമിതമായ ഇംഗ്ലീഷും, കയ്യിൽ പൈസ ഇല്ലാത്തതും കൂടുതൽ കഷ്ടപ്പാടിന് കാരണം ആയിട്ടുണ്ട്.
എന്നാൽ നിരവധി നൊബേൽ സമ്മാന ജേതാക്കളുടെ ഈറ്റില്ലമായ യൂണിവേഴ്സിറ്റിയുടെ പടി കടക്കുമ്പോൾ, ഓർമ്മയുടെ ഒരറ്റത്ത് ഓലവീട്ടിൽ നിന്നും ചെരുപ്പിടാതെ കുന്നും പാടവും കടന്ന് തുറന്നു കിടക്കുന്ന ക്ളാസിലേക്ക് ഓടിയിരുന്ന പെൺകുട്ടിക്ക് അഭിമാനം കൊണ്ട് രോമാഞ്ചം വന്നിരുന്നു.
