പട്ടിഷോ

 

പ്രിയപ്പെട്ടവരേ.

ഇത്തവണ പുതിയൊരു പരീക്ഷണത്തിലൂടെയാണ് എന്റെ ഏറ്റവും പുതിയ പുസ്തകം പ്രകാശനം നടത്തുന്നത്.

 ഭൂരിപക്ഷ മലയാളികളും സ്മാർട്ട് ഫോൺ കയ്യിലുള്ളവരാണ്. ഏതൊരു വികസിതരാഷ്ട്രത്തിനും തുല്യമാണ് മലയാളിയുടെ ഡിജിറ്റൽ സാക്ഷരത. എന്നാൽ അതിനനുസരിച്ച് മലയാള വായന പുതുക്കപ്പെട്ടിട്ടില്ല; അർഹിക്കുന്ന രീതിയിലുള്ള കാമ്പുള്ള പുസ്തകങ്ങൾ ഓൺലൈനിൽ ഡിജിറ്റലായി ലഭ്യമാകുന്നില്ല. ഇതിനൊരു പരിഹാരമായി ബുക്ക്ബാംഗ് (BookBang) എന്നൊരു ആപ്പ് നമുക്കുവേണ്ടി എത്തുകയാണ്. പുസ്തകങ്ങൾ ബാഗിലിട്ടുകൊണ്ടു നടക്കാതെതന്നെ മലയാളത്തിലെ ഒന്നാംനിര എഴുത്തുകാരുടെ പുസ്തകങ്ങൾ ചെറിയ വിലയ്ക്ക് ഇതിലൂടെ വായിക്കാൻ സാധിക്കും.

ഇപ്പോഴുള്ളതിന്റെ പത്തിലൊന്ന് വിലയ്ക്ക് ലോകമെമ്പാടുമുള്ള മലയാളിക്ക് മാതൃഭാഷയിലെ പുതിയ പുസ്തകങ്ങൾ വായിക്കാൻ  മൊബൈൽ കയ്യിലുള്ളിടത്തോളം സാധ്യമാണ്. അതിനാവശ്യമായ വിവരസാങ്കേതികതയും ഭാഷാസാങ്കേതികതയും മലയാളം സ്വന്തമാക്കിയിട്ടുണ്ട്. പക്ഷെ പുസ്തകപ്രസാധനവും വിതരണവും വായനയും 190 വർഷം മുമ്പ് തുടങ്ങിയ അതേമട്ടിൽ ഇന്നും തുടരുന്നു. അതിനൊരു  മാറ്റമാണ് ബുക്ക്ബാംഗ് ലക്ഷ്യമിടുന്നത്.

പുതിയതായി എഴുതിയ പുസ്തകങ്ങൾ നമുക്ക് ബുക്ക്ബാംഗ് വഴി പ്രകാശനം നടത്തി, ഓൺലൈനായി ചെറുവിലയ്ക്ക് വിതരണംചെയ്യാനും വായിക്കാനും സാധിക്കും. അതേസമയം പുസ്തകമായിത്തന്നെ വേണമെങ്കിൽ പ്രിന്റ് ഓൺ ഡിമാൻഡ് പ്രകാരം അച്ചടിച്ച കോപ്പിയും ലഭ്യമാകും.

എത്ര പേര് വായിച്ചു അതിനനുസരിച്ച് എഴുതിയ ആൾക്ക് കൃത്യമായ റോയൽറ്റിയും ലഭ്യമാകും. വളരെ സുതാര്യമായ രീതിയിലായിരിക്കും കാര്യങ്ങൾ മുന്നോട്ടുപോവുക. സത്യസന്ധമായ റിവ്യൂവും ഇതിൽത്തന്നെയുണ്ടാകും .

എന്റെ അച്ചടി പുസ്തകങ്ങൾ ഇറങ്ങിയപ്പോൾ പുറംനാടുകളിലുള്ളവർക്ക് ലഭിക്കാൻ ബുദ്ധിമുട്ടായിരുന്നു. ലോകത്തെവിടെയുമുള്ള മലയാളത്തെ സ്നേഹിക്കുന്നവർക്ക് ഈയൊരു സംരംഭം അതിനാൽ വലിയ സഹായമാകും.

ബുക്ക്ബാംഗ്. ചെയ്യുന്നത് ഇത്രമാത്രം:  

1.  വലിയ വിലകൊടുത്ത്  വാങ്ങാൻ സാധിക്കാത്തവർക്കുകൂടി  ചെറിയ വിലയ്ക്ക് പുസ്തകങ്ങൾ മൊബൈലിലൂടെ എല്ലാവരിലേക്കും എത്തിക്കുക.  സാഹിത്യത്തെ വീടകങ്ങളിലേക്ക് എത്തിക്കുക.  കഥകളും നോവലുകളും കവിതയും സാമൂഹ്യപഠനങ്ങളും ശാസ്ത്രസാഹിത്യവുമെല്ലാം ഇതിലുൾപ്പെടും.

2. സ്വന്തം കൃതി എത്രപേർ വായിച്ചു എന്ന് ഏതുനിമിഷവും ഗ്രന്ഥകർത്താക്കൾക്ക് അറിയാനുള്ള അവസരമൊരുക്കുക. റോയൽറ്റിയുടെ സത്യസന്ധമായ വിതരണം ഇതിലൂടെ സാദ്ധ്യമാകും.

അപ്പോൾ, എന്റെ പുതിയ പുസ്തകമായ "പട്ടിഷോ" ഇരുപതുരൂപയ്ക്ക് (ഒരു വർഷത്തേക്ക്) ഇതാ ബുക്ക്ബാംഗിലൂടെ നിങ്ങളിലേക്ക് എത്തുകയാണ്. കുട്ടികൾക്കും വലിയവർക്കും ഒരു പോലെ ഇഷ്ടമാകുന്ന പുസ്തകമാണിത്. 

 വായിക്കുവാനും വാങ്ങിക്കുവാനും മറക്കല്ലേ.

വാങ്ങിക്കേണ്ട ലിങ്ക് : Link for BookBank app.

Pls install and open. 

Subscribe the Patti show package Gpaying ₹20.

https://play.google.com/store/apps/details?id=org.bookbang.bookbangapp

ചെയ്യേണ്ടത്: ഡൌൺലോഡ് ആപ്പ്, സ്ക്രോൾ ചെയ്ത് പട്ടിഷോ കണ്ടു പിടിച്ചു, സബ്സ്ക്റൈബ് ചെയ്യുക. 20 രൂപ അടച്ചു ഡൌൺലോഡ് ചെയ്യുക. താഴെ ഡൌൺ ലോഡ് എന്ന ഫോൾഡർലും പാക്കേജ് എന്ന ഫോൾഡർ ലും ഉള്ള പട്ടിഷോ വ്യൂ ചെയ്തു വായിക്കുക.