ഹയർസ്റ്റഡീസ്‌ 3

അഡ്മിഷൻ കിട്ടിക്കഴിഞ്ഞാൽ അടുത്ത പ്രോസസ്  സ്ക്കോളർഷിപ്പിന്  അപ്ലൈ ചെയ്യലാണ്

പിജി അഡ്മിഷനും, സ്കോളർഷിപ്പിനും  ഏയ്ജ് റെസ്ട്രിക്ഷൻ ഉണ്ടോ എന്നത് പലരുടെയും സംശയമാണ്. പണ്ട് 35 വയസ്സായിരുന്നു എയ്ജ് റെസ്ട്രിക്ഷൻ.  എന്നാൽ അത് ഏയ്ജ് ഡിസ്ക്രിമിനേഷൻ ആയതുകൊണ്ട്  എടുത്തു കളയുകയുണ്ടായി. എന്നിരുന്നാലും അപൂർവം ചില യൂണിവേഴ്സിറ്റികൾ ഇൻഫോർമലായി  ഇത് ചെയ്യാറുണ്ടെന്ന് പറയപ്പെടുന്നു. ഏതു വയസ്സ് വരെയും ആരോഗ്യമുണ്ടെങ്കിൽ നമുക്ക്  അപ്ലിക്കേഷൻസ് കൊടുക്കാം

 സ്കോളർഷിപ്പിന് അപ്ലൈ ചെയ്യുന്നതിനും കൃത്യമായ മുന്നൊരുക്കങ്ങൾ ആവശ്യമാണ്. 

 നേരത്തെ പറഞ്ഞതുപോലെ തന്നെ യൂണിവേഴ്‌സിറ്റിക്ക് കൊടുത്ത എല്ലാ മാർക്ക് ലിസ്റ്റുകളും സിവിയും ഒപ്പം സ്റ്റേറ്റ്മെന്റ് ഓഫ് പർപ്പസ് എഴുതി ഉണ്ടാക്കേണ്ടതുണ്ട്. 

 ഇത്തവണ സ്റ്റേറ്റ്മെന്റ് ഓഫ് പർപ്പസ് എഴുതുന്നത് നിങ്ങൾ എന്തുകൊണ്ട് നിങ്ങൾ ഇപ്പോൾ സെലക്ട് ചെയ്തിരിക്കുന്ന യൂണിവേഴ്സിറ്റിയിലെ ആ കോഴ്സ് സെലക്ട് ചെയ്തു, അത് എങ്ങനെയൊക്കെ നിങ്ങളുടെ ഭാവി പ്രൊഫഷണൽ ജീവിതത്തിനും നിങ്ങളുടെ രാജ്യത്തിനും ഉപകാരപ്രദമാകും  എന്നതായിരിക്കണം അതിന്റെ ഹൈലൈറ്റ്.

 സ്കോളർഷിപ്പുകൾ പലതരത്തിലുള്ളവയുണ്ട്, മെറിറ്റ് സ്കോളർഷിപ്പുകൾ,  യൂണിവേഴ്സിറ്റികൾ തരുന്ന ഫീസിലുള്ള ഫിനാൻഷ്യൽ ഇളവുകൾ, ഷെയേഡ്  സ്കോളർഷിപ്പുകൾ

അതിൽ തന്നേ പല വിഭാഗങ്ങൾക്കായി പ്രത്യേകം സ്കോളർഷിപ്പുകളും  ഉണ്ട്. ഉദാഹരണത്തിന് ആർട്ട് സ്കോളർഷിപ്പ്, സ്പോർട്സ് സ്കോളർഷിപ്പ്, മൈനോറിറ്റി സ്കോളർഷിപ്പ്, എക്സ്ചേഞ്ച് സ്കോളർഷിപ്പ്, ഡെവലപ്മെന്റ് സ്കോളർഷിപ്പ്, എൻജിനീയറിങ് സ്കോളർഷിപ്പ്  തുടങ്ങിയവ.

 മെറിറ്റ് സ്കോളർഷിപ്പുകൾ നല്ല മാർക്കും പെർഫോമൻസ് ഉള്ള ആൾക്കാർക്ക് മാത്രമുള്ളതാണ്. ഫിനാൻഷ്യൽ ഇളവുകൾ നിങ്ങളുടെ മെറിറ്റ് കാരണം തരുന്ന സഹായമാണ്. ഷെയേഡ് സ്കോളർഷിപ്പുകൾ എന്നു പറഞ്ഞാൽ യൂണിവേഴ്സിറ്റിയും  പല  എജുക്കേഷണൽ  ഡെവലപ്മെന്റ് ഏജൻസികളും കൂടെ ഷെയർ ചെയ്തു തരുന്ന സ്കോളർഷിപ്പുകൾ ആണ്. മെറിറ്റ്സ് സ്കോളർഷിപ്പുകളും ഷെയേഡ് സ്കോളർഷിപ്പുകളും ഫുൾ സ്കോളർഷിപ്പുകൾ ആയിരിക്കും. അതായത് നിങ്ങളുടെ വിമാനക്കൂലി അടക്കം ഒരു യൂണിവേഴ്സിറ്റിയിലെ എല്ലാ പഠന ചെലവുകളും താമസത്തിനും മറ്റുചില  ചെലവുകൾ കൂടെ അടങ്ങുന്നതായിരിക്കും. 

 നിങ്ങൾ പഠിക്കാൻ ഉദ്ദേശിക്കുന്ന രാജ്യത്ത് ഏതൊക്കെ സ്കോളർഷിപ്പുകൾ ഇന്റർനാഷണൽ സ്റ്റുഡൻസിന് അവൈലബിൾ ആണെന്ന് ഗൂഗിളിൽ സെർച്ച് ചെയ്താൽ കിട്ടുന്നതാണ്. 

പിന്നീട് അതാത് സ്ക്കോളർഷിപ്പ് വെബ്സൈറ്റുകളിൽ കയറി യൂസർനെയും പാസ്‌വേഡും ഉപയോഗിച്ച് ഒരു അക്കൗണ്ട് തുടങ്ങി അപ്ലിക്കേഷൻ ഫോം ഫില്ല് ചെയ്തു തുടങ്ങാം. അതിൽ പ്രധാനപ്പെട്ട  കാര്യം അതാത് രാജ്യത്തെ തന്നേയുള്ള യൂണിവേഴ്‌സിറ്റിയിൽ നിന്നും rനിങ്ങൾക്ക് ഒരു അൺ കണ്ടീഷനൽ ഓഫർ ഉണ്ടായിരിക്കണം എന്നതാണ്. 

 ചില സ്കോളർഷിപ്പുകൾ കോഴ്സുകളോട് ചേർന്നതായിരിക്കും. അതായത് നിങ്ങൾ ഒറ്റ അപ്ലിക്കേഷൻ ഫോം ഫിൽ ചെയ്യുന്നതിലൂടെ   സ്കോളർഷിപ്പോട് കൂടി കോഴ്സിന് അഡ്മിഷൻ കിട്ടുന്ന തരം ചില സ്കോളർഷിപ്പുകളും ഉണ്ട്.

 ഷെയേഡ് സ്കോളർഷിപ്പുകൾക്കാണ് നിങ്ങൾ അപ്ലിക്കേഷൻ കൊടുക്കുന്നതെങ്കിൽ, ഏതൊക്കെ യൂണിവേഴ്സിറ്റിയാണ് ഈ സ്കോളർഷിപ്പുകളും ആയി ടൈ അപ്പ് ഉണ്ടാക്കിയിരിക്കുന്നത് അതാത് യൂണിവേഴ്സിറ്റിയിലെ അൺ കണ്ടീഷനൽ ഓഫർ ഉണ്ടായിരിക്കണം. മുന്തിയ റാങ്കിംഗ് ഉള്ള യൂണിവേഴ്സിറ്റികൾ ആയിരിക്കും പൊതുവേ ഇത്തരം ഷെയേഡ് സ്കോളർഷിപ്പുകൾ തരുന്നത്.

 ഞാൻ പ്രധാനമായും സോഷ്യൽ സയൻസുമായി ബന്ധപ്പെട്ട കോഴ്സുകൾക്കാണ് സ്കോളർഷിപ്പുകൾക്ക് ഇതുവരെ അപ്ലിക്കേഷൻ മൂവ് ചെയ്യാൻ മാർഗ്ഗനിർദ്ദേശം നൽകിയിട്ടുള്ളത് 

 പ്രധാനപ്പെട്ട ചില സ്കോളർഷിപ്പുകൾ ഇതൊക്കെയാണ്

1. Erasmus Mundus Scholarship

2.  Chevening Scholarship

3. Commonwealth Scholarships

4. Gates Cambridge Scholarship

5. Rhodes Scholarship

6. Edinburgh Global Research Scholarships

7. The Felix Scholarship 

 8. The World Bank Scholarship

9. Nuffic Netherlands Scholarship, 

10.University of Twente Scholarships (UTS), 

11. Utrecht Excellence Scholarship (UES)

 ഇത് എനിക്കറിയാവുന്നതിന്റെ മാത്രം ലിസ്റ്റ് ആണ്.  ഇത് വരെ  ഈ സ്കോളർഷിപ്പുകൾക്ക് മാത്രമേ ശ്രമിച്ചിട്ടുള്ളൂ. തിരഞ്ഞാൽ ഓരോ രാജ്യത്തിലും നിരവധി സ്കോളർഷിപ്പ് പ്രോഗ്രാമുകൾ അവൈലബിൾ ആണ്.

 അണ്ടർ ഗ്രാജുവേഷനും, പോസ്റ്റ് ഗ്രാജ്വേഷനും  ഉള്ള സ്കോളർഷിപ്പുകളെക്കാൾ കൂടുതലാണ് പി എച്ച് ഡി ചെയ്യാൻ ഉള്ള സ്കോളർഷിപ്പുകൾ ലഭിക്കുന്നത്. 

 പി എച്ച് ഡി ക്കും സ്കോളർഷിപ്പുകൾക്കും അപ്ലിക്കേഷൻ കൊടുക്കാനുള്ള  എല്ലാ ക്രൈറ്റീരിയകളും വേറെയാണ്. അത് ഇതേപോലെ തന്നെ ഇന്റർനെറ്റിൽ തിരഞ്ഞാൽ കിട്ടാവുന്ന കാര്യങ്ങൾ മാത്രമേ ഉള്ളൂ

ഞാൻ പുറത്തുപോകാൻ ശ്രമിക്കുന്ന കാലത്ത് സ്പീടുള്ള ഇന്റർനെറ്റ് സർവീസ് കിട്ടണമെങ്കിൽ  എനിക്ക് 45 മിനിറ്റ് യാത്ര ചെയ്ത് തൃശ്ശൂർ ടൗണിൽ എത്തണമായിരുന്നു. ഇന്റർനെറ്റ് കഫേൽ ഇരുന്നാണ് ഇത്തരം എല്ലാ വർക്കുകളും ചെയ്തിരുന്നത്. ഇന്ന് ഫോണിന്റെ തുമ്പിൽ തന്നെയുള്ള ഈ സർവീസുകൾ ഉപയോഗിച്ച് നിങ്ങൾക്കിത് ചെയ്യാൻ സാധിക്കില്ല എന്ന് തോന്നുകയാണെങ്കിൽ നിങ്ങൾ അതിനുള്ള ആളല്ല, ആത്മാർത്ഥമായി ആഗ്രഹമില്ലഎന്നാണർത്ഥം. 

 എളുപ്പവഴികൾ വേറെയുണ്ട് എന്ന് തോന്നുകയാണെങ്കിൽ ആ വഴി സ്വീകരിക്കുന്നതായിരിക്കും അത്തരക്കാർക്ക് നല്ലത്

ഫിനാൻഷ്യൽ ഡോക്യൂമെന്റുകൾ ഒന്നുമില്ലാതെ, പൈസ ഉണ്ടാക്കേണ്ടതിന്റെ ടെൻഷനില്ലാതെ സ്ക്കോളർഷിപ്പിന്റെ ഒറ്റ പേപ്പറിന്റെ ബലത്തിൽ, മിടുക്കി എന്നൊരു ലേബലിലൂടെ പോകുന്നത് അനുഭവിച്ചു തന്നേ അറിയണം.

നമ്മുടെ സ്വന്തം അദ്ധ്വാനത്തിൽ, മെറിട്ടിൽ എല്ലാവരെയും അത്ഭുതപെടുത്തിക്കൊണ്ട്, പഠിക്കാൻ വേറെ ഒരു രാജ്യത്ത് പോകുന്നതിന്റെ ഒരു സുഖവും അഭിമാനവും പറഞ്ഞറിയിക്കാൻ വയ്യാത്തതാണ്. 

Continue.....