ഒരു ഉമ്മ അഥവാ കെട്ടിപിടിച്ചുമ്മ കഥ

 സത്യം പറയാമല്ലോ മലയാളി ആണുങ്ങളെ കെട്ടിപ്പിടിക്കാൻ കൊള്ളില്ല. എഴുപതു - എൺപതുകളിൾ ജനിച്ചവരെ മാത്രമായിരുന്നു  കെട്ടിപ്പിടിക്കാൻ മടിയുണ്ടായിരുന്നത്.  പുതിയ തലമുറ വേറെ ഒന്നും ചിന്തിക്കില്ലന്നും അവർ സ്ത്രീകളെ കൂടുതൽ ബഹുമാനത്തോടെ ആയിരിക്കും കാണുന്നത് എന്ന് കരുതി ഒരു ഹഗ് കൊടുക്കുന്നതിൽ യാതൊരു മടിയുമില്ലായിരുന്നു. മാത്രമല്ല ചേർത്തുപിടിക്കാൻ പറ്റുന്ന തരത്തിലുള്ള ചില ആൺ സൗഹൃദങ്ങൾ ഉണ്ടായതോടെ വിശ്വാസത്തിന്റെ ഒരു വലിയ വഴി തുറന്നു കിട്ടുകയായിരുന്നു

 പറയാൻ വന്ന കഥ അതല്ല ഒരു കെട്ടിപ്പിടിച്ചുമ്മയിലൂടെ മേടിക്കുന്നതിലൂടെ, അല്ലെങ്കിൽ ഒരു ഹഗ്ഗ് ചെയ്യുന്ന പെണ്ണ് കൂടെ കിടക്കാൻ റെഡിയാണെന്ന് വിചാരിക്കുന്ന പുതിയ തലമുറ ഇപ്പോഴും ഉണ്ട് എന്നുള്ളത് അതിശയിപ്പിക്കുന്നതാണ്.

ചില അനുഭവം കൊണ്ട് പറഞ്ഞു പോകുന്നതാണ് 

 പണ്ട് ബ്രിട്ടനിലേക്ക് പോകുമ്പോൾ എന്റേ ധാരണ എന്റെ ഇംഗ്ലീഷ് മോശമായത് കൊണ്ട് ഇംഗ്ലീഷുകാരാരും എന്നോട് കൂട്ടാകില്ല എന്നായിരുന്നു, എന്നാൽ സംഭവിച്ചത് തിരിച്ചായിരുന്നു ഇന്ത്യക്കാർ ആരും എന്നോട് കൂട്ടായില്ല പകരം ബ്രിട്ടീഷുകാർ ആയിരുന്നു എനിക്ക് കൂട്ടുകാരായിട്ട് ഉണ്ടായിരുന്നത്.  അവരുടെ വീടുകളിലൊക്കെ പോയിരുന്നത് ഒരു പതിവായിരുന്നു താനും. അപ്പോഴൊക്കെ അവരുടെ അടുത്ത ആൾക്കാർ നമ്മെ ചേർത്ത് പിടിച്ച് കവിളിൽ രണ്ടു ഉമ്മ തന്ന് കെട്ടിപ്പിടിച്ച ശേഷമാണ് വിശേഷങ്ങൾ ചോദിക്കുക.

വഴിയിൽ വെച്ച് കാണുന്ന സുഹൃത്തുക്കളും അങ്ങനെ ആയിരുന്നു. പോരാത്തതിന് അടുത്ത ആഫ്രിക്കൻ  സുഹൃത്തുക്കൾ ആകട്ടെ ആണെന്നും പെണ്ണൊന്നും തരമില്ലാതെ അരയിലൂടെ എന്നെ പൊക്കിയെടുത്ത് ആയിരുന്നു ഉമ്മ തന്നിരുന്നത്

ആദ്യമൊക്കെ വലിയ മടിയായിരുന്നു.  പതുക്കെ അത് ശീലമായി..ഉമ്മ കിട്ടി മടുത്തു 😂

 ശരീരവും ഉമ്മയും ഒക്കെ എന്നേക്കുമായി ബ്രിട്ടനിലെ സ്വസ്ഥതയുള്ള ആൺ പെൺ ഇടപെടലുകളിലൂടെ ഞാൻ മറന്നു പോയി.   തിരിച്ചെത്തിയത്  ശരീരം ഒരു തടസ്സമല്ലാത്ത ഒരു സ്ത്രീയായിട്ടായിരുന്നു.  അതുകൊണ്ടുതന്നെ അടുത്ത ആൾക്കാരോട്  അടുത്ത് ഇടപഴകാൻ യാതൊരു മടിയുണ്ടായിരുന്നില്ല, അതിൽ ആണെന്നും പെണ്ണെന്നും വേർതിരിവ് ഉണ്ടായിരുന്നില്ല.

 പണ്ടേ ആൺ സുഹൃത്തുക്കളായിരുന്നു കൂടുതലും

 ഇതെല്ലാംഅനുഭവിച്ച  വന്ന ശേഷം ജോലി ചെയുന്ന സ്ഥലത്തും പല രാജ്യക്കാരുമുണ്ടായിരുന്നു.  കൂടെ കൂടിയ എന്റെ പാർട്ണറും ഇതേ അനുഭവങ്ങളിലൂടെ കടന്നു പോയി ഇപ്പോഴും മറ്റു രാജ്യങ്ങളിൽ നിന്നുള്ളവരുമായി ജോലി ചെയ്യുന്ന ആളാണ്. അതുകൊണ്ട് അവനും അതൊരു പ്രശ്നമായിരുന്നില്ല.

 എന്റെ പടം എങ്ങാനും മോർഫ് ചെയ്യുകയാണെങ്കിൽ നല്ല ഭംഗിയുള്ള ഏതേലും ശരീരത്തിൽ ചേർക്കാൻ തോന്നണേ എന്നു പറയുന്ന ചില നല്ല പെൺ സുഹൃത്തുക്കളും എനിക്കുണ്ട്

 ഇത്തരം ആളുകളുമായിയുള്ള സഹവാസം കൊണ്ടായിരിക്കാം എല്ലാ പുരുഷന്മാരും നല്ലവരാണെന്നും കെട്ടിപ്പിടിത്തമൊന്നും കേരളത്തിലും പ്രശ്നമല്ലെന്ന് തോന്നി തുടങ്ങിയത്.

പോരാത്തതിന് സുന്ദരമായ 48 കളിലാണ് ഞാനിപ്പോൾ. ഉന്മാദത്തിന്റെ ശക്തി കൂടിയ കാലം എന്ന് പറയാം.. ആരെയും ഒന്നിനെയും എന്തിനെയും പേടിയില്ലാത്ത ഒരുവളായി മാറി കഴിഞ്ഞിരുന്നു ഞാൻ.

 അങ്ങനെയിരിക്കുമ്പോഴാണ് ഒരു ഹഗ് കൊടുത്തതിന്റെ പേരിൽ ഒരു കുഞ്ഞു പയ്യൻ വന്നു കൂടെ കിടക്കാനുള്ള ഗ്രീൻ സിഗ്നൽ എന്നും കരുതി എന്റെ ശരീരവും വർണിച്ചു എന്നെ അങ്ങ് ക്ഷണിച്ചത്.

 എന്തു പറയാനാണ് കിണറ്റിൽ കിടക്കുന്ന തവളയ്ക്ക് അതിനുമുകളിൽ കാണുന്ന ആകാശം മാത്രമല്ലേ അറിയൂ ല്ലേ 

 അറ്റ്ലീസ്റ്റ് എനിക്കൊരു ജാരൻ ഉണ്ടാവുകയാണെങ്കിൽ എന്നെക്കാൾ അല്പം കൂടെ ബുദ്ധിയും കഴിവും എല്ലാം ഉണ്ടാവണ്ടേ. ഹല്ല പിന്നെ 

👿👿👿എന്നുവച്ച് എന്നെക്കാൾ ബുദ്ധിയുള്ളവരാണെന്ന് കരുതുന്നവർ ആരും വന്നിവിടെ ക്യൂ നിൽക്കണ്ട. തൽക്കാലം എനിക്ക് താല്പര്യമില്ലാത്ത വിഷയമാണ്. ഒരുപഞ്ചിനു പറഞ്ഞതാ 😈😈😈